2015 წლის 11 ივლისს, თბილისში, მართლმსაჯულების სახლში ჩატარდა საქართველოს მოსამართლეთა XIV (რიგგარეშე) კონფერენცია. კონფერენციის დღის წესრიგით გათვალისწინებულ ერთ-ერთ საკითხს წარმოადგენდა საქართველოს საერთო სასამართლოების მოსამართლეთა სადისციპლინო კოლეგიის მოსამართლე წევრების არჩევა.

კონფერენციას ესწრებოდა 264 მოსამართლე. სადისციპლინო კოლეგიის მოსამართლე წევრის 3 ვაკანტურ თანამდებობაზე ფარული კენჭისყრით არჩეულ იქნენ: გიორგი ტყავაძე - მცხეთის რაიონული სასამართლოს ადმინისტრაციულ საქმეთა კოლეგიის მოსამართლე, შორენა ყაველაშვილი - თბილისის სააპელაციო სასამართლოს სისხლის სამართლის საქმეთა პალატის მოსამართლე, შალვა კაკაურიძე - გორის რაიონული სასამართლოს სისხლის სამართლის საქმეთა კოლეგიის მოსამართლე.