სადისციპლინო კოლეგიის წევრების სამუშაო შეხვედრა ქალბატონ მარიანა კიკუსთან

სადისციპლინო კოლეგიის წევრების სამუშაო შეხვედრა ქალბატონ მარიანა კიკუსთან

2014 წლის 16 ოქტომბერს საქართველოს საერთო სასამართლოების მოსამართლეთა სადისციპლინო კოლეგიის წევრებმა სამუშაო შეხვედრის ფარგლებში უმასპინძლეს ევროპის საბჭოს პროექტ "მართლმსაჯულების სისტემის დამოუკიდებლობისა და ეფექტიანობის გაძლიერება საქართველოში" მენეჯერს ქალბატონ მარიანა კიკუს და ამავე პროექტის ოფიცერს, თეა მაჩაიძეს.

ქალბატონმა მარიანა კიკუმ სადისციპლინო კოლეგიის წევრებს გააცნო ევროსაბჭოს ახალი პროექტის სამუშაო გეგმა და მოკლე აღწერა, ასევე, ის აქტივობები, რომლებიც ეხება დისციპლინურ პასუხისმგებლობასა და სამართალწარმოებას. სადისციპლინო კოლეგიის წევრებმა ქალბატონ მარიანას გააცნეს ქართულ დისციპლინურ სამართალწარმოებაში არსებული პრობლემები და სამომავლო გამოწვევები.

პროექტის ფარგლებში დაიგეგმა მოსამართლეთა დისციპლინური პასუხისმგებლობის საკითხებზე მოსახლეობის ინფორმირების მიზნით სხვადასხვა პუბლიკაციების გამოცემა, უცხოელი ექსპერტების ვიზიტი საქართველოში, ისევე როგორც სადისციპლინო კოლეგიის წევრების სავარაუდო ვიზიტი საზღვარგარეთ, უცხოური გამოცდილების შესწავლის მიზნით.

USAID
ვებ გვერდი დაფინანსებულია აღმოსავლეთ დასავლეთ მართვის ინსტიტუტის მიერ „მართლმსაჯულების დამოუკიდებლობისა და სამართლებრივი გაძლიერების“ პროექტის ფარგლებში, ამერიკელი ხალხის დახმარებითა და შეერთებული შტატების საერთაშორისო განვითარების სააგენტოს (USAID) მეშვეობით. შინაარსზე პასუხისმგებელია საქართველოს საერთო სასამართლოების მოსამართლეთა სადისციპლინო კოლეგია. გამოთქმული შეხედულებები შესაძლებელია არ ემთხვეოდეს USAID-ის, ამერიკის მთავრობის ან აღმოსავლეთ-დასავლეთ მართვის ინსტიტუტის (EWMI) შეხედულებებს.
EWMI